गोकर्णेश्वर नगरपालिका, ग्रीन आर्मी नेपाल र बागमती प्रदेश सरकारको सहकार्यमा “विपद् स्वयंसेवक ब्युरो गठन तथा विपद् सम्बन्धी आधारभूत तालिम” कार्यक्रम सफलतापूर्वक सम्पन्न भएको छ।
नगर प्रमुख दीपक कुमार रिसाल प्रमुख अतिथि, उपमेयर सान्नानी लामा विशिष्ट अतिथि, र प्रमुख प्रशासकीय अधिकृत याम नारायण गौली सभाध्यक्ष रहेका कार्यक्रममा ग्रीन आर्मी नेपालका प्रमुख सविन शर्मा, लेखा प्रमुख रामजी रायमाझी, सूचना अधिकारी भरत कुइकेललगायत विभिन्न वडाका प्रतिनिधि, स्थानीय बासिन्दा, स्काउट, पत्रकार र जनसमुदायको उल्लेख्य उपस्थिति रहेको थियो।
कार्यक्रममार्फत स्थानीय तहमा विपद् जोखिम न्यूनीकरण, आपतकालीन उद्धार तथा प्रतिकार्यका लागि सक्षम स्वयंसेवक टोली निर्माण र तिनको क्षमता अभिवृद्धि गरिएको छ।
यस पहलले गोकर्णेश्वर नगरपालिकालाई अझ सुरक्षित, सचेत र विपद् व्यवस्थापनमा सक्षम बनाउने दिशामा महत्वपूर्ण योगदान पुर्याएको आयोजक पक्षको भनाइ छ