गोकर्णेश्वर नगरपालिका वडा नं ९ र वडा नं ४ को सिमानामा पर्ने शंखडोलमा निर्माण गरिएको शंख पार्कको आज एक भव्य समारोहका बीच उद्घाटन सम्पन्न भएको छ।
उद्घाटन समारोहमा संघीय सांसद तथा प्रतिनिधिसभा अन्तर्गत अर्थ समितिका सभापति माननीय सन्तोष चालिसेज्यू र गोकर्णेश्वर नगरपालिकाका नगरप्रमुख श्री दीपक रिसालज्यूले संयुक्त रूपमा पार्क उद्घाटन गर्नुभयो।
सो अवसरमा वडा नं ९ का वडाध्यक्ष राजीव थापाज्यूले कार्यक्रमलाई सम्बोधन गर्दै पार्क निर्माणमा सबै वडा सदस्यहरूको सक्रिय भूमिका र स्थानीय बासिन्दाहरूको उल्लेखनीय सहयोग रहेको बताउनुभयो। उहाँले सौन्दर्य वृद्धिका लागि निर्माण गरिएको ‘शंख’ संरचनासमेत उद्घाटन गरिएको जानकारी दिनुभयो।
कार्यक्रमको सभापतित्व शंख पार्क निर्माण उपभोक्ता समिति अध्यक्ष अस्मिता श्रेष्ठज्यूले गर्नुभएको थियो। कार्यक्रममा स्थानीय जनप्रतिनिधि, उपभोक्ता समिति सदस्य, नगरबासी लगायतको उत्साहजनक उपस्थिति रहेको थियो।