गोकर्णेश्वर नगरपालिकाको वडा नं. १ मा निशुल्क एम्बुलेन्स सेवा संचालन

गोकर्णेश्वर नगरपालिका, मिति २०८१/०६/८ गते मंगलबार। नगरपालिकाको वडा नं. १ मा भौगोलिक रूपमा विकट ओख्रेनी र मुलखर्क क्षेत्रका बासिन्दाहरूको सहजताका लागि निशुल्क एम्बुलेन्स सेवा सुरु गरिएको छ। सुदूर तथा दुर्गम क्षेत्रका नागरिकलाई आकस्मिक स्वास्थ्य सेवा सुलभ बनाउन यो सेवा सुरू गरिएको हो। उक्त सेवाको सुरुवात वडा कार्यालयको समन्वय र नगरपालिकाको सहयोगमा गरिएको हो। एम्बुलेन्स सेवा २४ घण्टा सञ्चालनमा रहनेछ। यो पहलले विकट क्षेत्रका नागरिकलाई समयमै उपचारको सुविधा दिलाउने विश्वास लिएको छ। सेवाको प्रभावकारिताका लागि स्थानीय स्वयंसेवक तथा स्वास्थ्यकर्मीहरूसँग समन्वय गरिएको छ। नगर प्रमुखले सेवाको निरन्तरताका लागि आवश्यक बजेट तथा स्रोत व्यवस्थापन गरिने जानकारी दिनुभयो। स्थानीय बासिन्दाहरूले यो कदमलाई स्वागत गर्दै नगरपालिका र वडा कार्यालयप्रति आभार व्यक्त गरेका छन्।